| 時間﹕星期日 早上
地點﹕秀茂坪商場診所A&B
人物﹕護士A、B、C、和陳小姐
診所A
護士A﹕小姐咩事ga？
陳小姐﹕想做個簡單身體檢查。
護士A﹕吓!!!
陳小姐﹕申請教師證需要有個健康證明。
護士A﹕你拿D文件俾我睇下，證明你要做身體檢查!
陳小姐﹕吓!!!無文件，學校話係診所做個簡單檢查就得。
護士A﹕無文件唔做!主診醫生唔係度得同埋唔知你要唔要照X光!!!
陳小姐﹕X光係健康院照左啦!依家只係做個簡單檢查!
護士A望住護士B﹕咁你返去照X光果度做檢查啦!
陳小姐一路走一路唸點解有錢都唔賺!!
診所B
護士C﹕邊度唔舒服？
陳小姐﹕想做個簡單身體檢查，申請教師證。
護士C﹕$190，身份証證記等叫名。
陳小姐心唸咁先係做生意。
|
| |
| 昨天早上返工真係十分驚險!首先一早起身就肚瀉，坐42C的時候感到有點寒冷，
初時以為冷氣凍無加以理會，等13M時開始感到有些腳軟，一路行上13M已經開始想嘔，開始感到大件事，感謝主身上有藥，可惜無水!!
去到翠屏果站有好多青松的學生上車，立即問其中一個女同學借水，聽到我咁問佢有D驚，不過都借左~飲完立即嘔到七彩，好在有個載麵包的袋，否則唔知司機會唔會趕我下車!!嘔完 i 左係個女學生度休息直到下車。下車後佢一路扶住我可惜我腳軟行唔到，佢竟然背起我過馬路，我真係好欣賞呢個女同學~
返到學校我立即訓左係梳化度，真係多謝玲姐同端姐的照顧!休息完就返上自己個位做野。
之後聽返同事講有學生通知校務處有個學生係學校出面暈左要人幫手........真係嚇死人!
今早返到學校收到消息扶我個位女同學係扶我其間跌左銀包!!!
如果佢搵唔返都唔點算!不過感謝主佢搵返了~
真係要請佢食野先得~
|
| |
| 開學了~
今日係9月1日新的學期新的開始~
要學會專心做自己的野，不被周圍的事情影響~
咩都睇唔到、咩都聽唔到!!!
忘記背後努力面前~
9月中搬新居，有d期待，因為果度好靚~
遲d補返d相~
|
| |
| 今日睇返上次打xanga的日期發現有半年的時間無打過xanga， 呢半年發生好多事﹕ 第一要重讀多一科； 第二差些被人終止實習； 第三要預備出社會工作； 第四要預備搬離家自己一個住； 第五同媽媽的關係變差，而且做成很大的壓力； 呢半年雖然經歷左好多野，但我感到神的同在與平安， 雖然要讀六科又要實習，但讀得好輕鬆比之前讀五科更輕鬆。 而且在實習的機構帶了一個人返教會， 在工作方面神永遠都有供應，以致在經濟上不會有缺乏， 同媽媽的關係經禱告過後神開始工作，他讓我地有一段時間去傾， 將所有的問題都講哂出來。 |
| |
| 時間表出左~ 有一日day off 計劃將佢變成日半的day off 實習同返part time 的時間無撞~ 感謝主~ 講開實習，係工業傷亡權益會做~ 第一日同d媽媽一起包油角，第二日出去做展覽~ 之後仲有機會兩個同學仔一起去做家訪~ 好期待~ |
| |
